Avqust ayında Ukraynada gedən müharibə zamanı 8-i uşaq olmaqla 184 mülki şəxs həlak olub, 856 mülki şəxs isə yaralanıb.
Modern.az xəbər verir ki, bu barədə BMT-nin son hesabatında deyilir.
İtkilərin böyük əksəriyyəti Ukraynanın qanuni hakimiyyət orqanlarının nəzarətində olan ərazilərdə, yəni Rusiya ordusunun hədəfində olan ərazilərdə baş verib.
Ölən 184 nəfərdən 10-u , 856 yaralıdan isə 84-ü isə Rusiyanın işğal etdiyi ərazilərdə olub.
Qurbanların demək olar ki, hamısı raketlər, bombalar və artilleriya zərbələrindən ölüb, 2 nəfər isə mina qurbanı olub.
Ümumilikdə, BMT-nin hesablamalarına görə, Rusiyanın Ukraynaya qarşı genişmiqyaslı müharibəyə başladığı 2022-ci il fevralın 24-dən indiyədək hərbi əməliyyatlar nəticəsində 11 743 ukraynalı mülki şəxs həlak olub, 24 614 ukraynalı mülki şəxs isə yaralanıb.
