Ermənistanda xüsusilə ağır cinayətlərin sayı artıb.
Modern.az "Sputnik Armenia"ya istinadən xəbər verir ki, Ermənistan baş naziri Nikol Paşinyan bununla bağlı 44 günlük müharibədən sonra yoxa çıxan silahları xatırladıb.
"2024-cü ilin birinci yarısında belə cinayətlərin sayı ötən illə müqayisədə 17,2% artıb", - baş prokuror Anna Vardapetyan Nazirlər Kabinetinin iclasında bildirib.
Eyni zamanda, ağır cinayətlərin statistikasında 8,2% azalma qeydə alınıb.
Baş nazir Daxili İşlər Nazirliyinin qanunsuz silahların axtarışı siyasətinə yenidən baxılmasını yüksək qiymətləndirib, gələcəkdə qanuni silahların sərbəst satışı məsələsini öz üzərinə götürəcəyini vəd edib.
