Şimali Koreya Yapon dənizinə doğru raket atıb.
Modern.az AFP-yə istinadən xəbər verir ki, Cənubi Koreya, Yaponiya və ABŞ-ın nüvə məsələləri üzrə nümayəndələri birgə telefon danışığı zamanı Pxenyanın hərəkətlərini pisləyiblər.
Bu, KXDR-dən bir neçə qısa mənzilli ballistik raketlərin buraxılmasından bir neçə saat sonra baş verib. Amerika tərəfinin qeyd etdiyi kimi, raketlər səhər saat 07.10-da Pxenyan ərazisindən atılıb. Seul, Tokio və Vaşinqton Şimali Koreyanın hərəkətlərinin Koreya yarımadasında və ondan kənarda sülhə ciddi təhlükə olduğunu bildirib.
'Yonhap" xəbər agentliyi qeyd edir ki, Şimali Koreya avqustun 19-dan 29-a kimi ABŞ-Cənubi Koreyanın birgə keçirdiyi "Ulchi Freedom Shield" hərbi təliminə cavab olaraq Yapon dənizinə doğru raketlər atıb.
