Yaponiyada yaşı 100-dən yuxarı olan sakinlərin sayı 95,1 min nəfəri ötüb.
Modern.az xəbər verir ki, ölkənin Səhiyyə, Əmək və Rifah Nazirliyinin məlumatına görə, bu, 1963-cü ildən bəri mütləq rekorddur.
Yaponiyada 54 il dalbadal 100 yaşdan yuxarı insanların sayı artıb. 2023-cü ildə onların sayı 3 min nəfər artıb.
Yaşı 100-dən yuxarı olan yaponların 88%-dən çoxu qadınlardır. Ölkədə həm də planetin ən yaşlı insanı - 1908-ci ildə anadan olmuş 116 yaşlı Tomiko İtuka yaşayır.
Yaşı 65-dən yuxarı olan Yaponiya sakinlərinin sayı son bir ildə 20 min nəfər artaraq 36,25 milyon nəfərlə bütün zamanların rekord həddə çatıb. Hazırda onlar ölkə əhalisinin 29,3%-ni təşkil edir.
80 yaşdan yuxarı yaponların sayı demək olar ki, 13 milyon nəfərə çatıb – onlar ümumi əhalinin 10,4%-ni təşkil edir ki, bu da təxminən 125,1 milyon nəfərdir.
