Gürcüstan prezidenti Salome Zurabişvili seçkiqabağı dövrdə zorakılığı təşviq edib.
Modern.az xəbər verir ki, bunu Gürcüstanın baş naziri İrakli Kobaxidze Zurabişvilinin daxili işlər naziri Vaxtanq Qomelauri ilə əlaqə saxlaya bilməməsi barədə müraciətini şərh edərkən deyib.
“Bu müddət ərzində Salome Zurabişvili zorakılığı təşviq edirdi və indi təbii ki, onun timsah göz yaşları heç kəsi maraqlandırmır”, - Kobaxidze qeyd edib.
Xatırladaq ki, Zurabişvili daxili işlər nazirinin ölkədə seçki günü baş verən toqquşmalara münasibət bildirməsini istəyib.
