Amerikalı milyarder İlon Maskın cinsiyyətini kişidən qadına dəyişən transseksual qızı, 20 yaşlı Vivian Cenna Uilson respublikaçı Donald Trampın prezident seçkilərində qalib gəlməsindən sonra ölkəni tərk etməyi planlaşdırır.
Modern.az xəbər verir ki, bu barədə o, “Threads” səhifəsində yazıb.
Uilson qeyd edib ki, o, ABŞ-dan köçmək barədə çoxdan fikirləşib, lakin Trampın prezident seçkilərində qələbəsi onu bu addımı atmağa məcbur edib.
Uilson dəqiq hara gedəcəyini açıqlamayıb.
Məlumdur ki, İlon Mask bu seçkilərdə Trampı yaxından dəstəkləyib və hazırda Amerika mətbuatının yazdığına görə, o, respublikaçı prezidentin yeni hökumətinin formalaşmasında iştirak edir.
Mask 2000-ci ildə Vivianın anası yazıçı Justine Uilson ilə evlənibi. Uilson 2004-cü ildə Xavier və Griffin adlı əkiz oğlanlar, 2006-cı ildə isə Damian, Kay və Sakson adlı üçəmlər dünyaya gətirib.
2022-ci ildə Xavier Alexander rəsmi olaraq cinsini və adını Vivian Jenna Uilson olaraq dəyişdirib. Milyarderin transseksual qızı adının dəyişdirilməsini bioloji atası ilə “hər hansı qohumluqdan” xilas olmaq istəyi ilə izah edib.
Anası Justine Uilson Vivian ilə fəxr etdiyini söyləyib.
Maskın özü uşaqlara cinsini dəyişməyə icazə verən valideynlər və həkimlər üçün ömürlük həbs cəzası təklif edib.
