Abxaziyada müxalifət lideri Levan Mikaa separatçıların lideri Aslan Bjaniyaya ultimatum təqdim edib.

 

Modern.az bu barədə "Kommersant" qəzetinə istinadən xəbər verir.

 

Bjaniyaya istefa vermək üçün bir saat vaxt verilib.

 

“Əgər getməsə, gizləndiyi yerə gedəcəyik. Bu ultimatumla biz adamları onun yanına göndərdik”, - deyə Mikaa bildirib. 

 

***

23:34

Abxaziyada separatçıların lideri Aslan Bjaniya istefa verməkdən imtina edib.

 

Modern.az xəbər verir ki, o, etirazçıların istefa tələbini qəbul etməyib.

 

Bjaniya ona “bir az vaxt” verilməsini xahiş edib.

 

Qeyd edək ki, Abxaziyada etirazlar noyabrın 11-də başlayıb. Həmin gün Rusiya ilə müqavilənin ratifikasiyasına qarşı çıxan bir neçə müxalif siyasətçi saxlanılıb. Onlar iddia edirdilər ki, qanun ruslara respublikada çoxfunksiyalı komplekslər adı altında mənzillər tikməyə icazə verəcək. Saxlanılarkən etirazçılar Suxumda bir neçə körpünü bağlayıblar.

 

Bu gün isə etirazçılar separatçıların binalarına hücum ediblər. Onlar "prezident", "vitse-prezident" və "baş nazir"in istefasını tələb ediblər.