İran, Azərbaycan və Ermənistan sərhədlərinin qovşağında 3,8 bal gücündə zəlzələ qeydə alınıb.
Modern.az xəbər verir ki, bu barədə Ermənistan Daxili İşlər Nazirliyinin Seysmik Mühafizə Xidməti məlumat yayıb.
Zəlzələnin episentri Ağar şəhərindən 65 kilometr şimal-qərbdə, ocağı 10 kilometr dərinlikdə yerləşib. Episentrdə yeraltı təkanların gücü 5 bala çatıb.
Zəlzələ Ermənistanın Sünik rayonunun bir sıra şəhər və kəndlərində, o cümlədən Meğri, Qafan, Qacaran, Aqarak, həmçinin Alvank, Şvanidzor, Nrnadzor və Nerkin Hand yaşayış məntəqələrində hiss olunub.
Bu ərazilərdə yeraltı təkanların gücü 3 bala yaxın olub.
