Şimali Koreya lideri Kim Çen In ordusunun əsgərləri ilə görüşüb və müharibəyə tam hazır olmağın vacibliyini vurğulayıb.
Modern.az xəbər verir ki, bu barədə Pxenyanın Mərkəzi Teleqraf Agentliyi məlumat yayıb.
Bu, sayca dördüncü belə görüşdür. Bundan əvvəlki görüş 10 il əvvəl olub.
Qeyd olunur ki, Kim Çen In xarici düşmən qüvvələrin Pxenyana yaratdığı təhdidlərdən, onlara qarşı durmağın zəruriliyindən və bu kontekstdə ordu hissələrinin hazırlıq səviyyəsinin artırılmasının vacibliyindən danışıb.
Maraqlıdır ki, Koreya ordusunun əsasını nüvə qüvvələri təşkil edir.
