Ukrayna ilk dəfə Rusiya ərazisini Britaniyanın "Storm Shadow" qanadlı raketləri ilə hədəfə alıb.
Modern.az xəbər verir ki, bu barədə "Bloomberg" agentliyi anonim Qərb mənbəsinə istinadən məlumat yayıb.
Bir gün əvvəl Rusiya Müdafiə Nazirliyi Ukraynanın ilk dəfə olaraq Amerikanın ATACMS raketləri ilə Bryansk bölgəsinə hücum etdiyini açıqlayıblar. Ukrayna məlumatı rəsmən təsdiqləməyib.
Çərşənbə günü səhər saatlarında Rusiyanın teleqram kanalları Ukraynanın ilk dəfə olaraq Kursk bölgəsinə "Storm Shadow" raketləri ilə hücum etdiyini bildirib. Rusiya ordusu bu məsələ ilə bağlı açıqlama verməyib.
