Almaniyanın keçmiş kansleri Angela Merkelin yazdığı kitab bir neçə gün sonra ictimaiyyətə təqdim ediləcək.

 

Modern.az xəbər verir ki, "Die Zeit" qəzeti kitabdan bəzi hissələri dərc edib.

 

Merkel xatirələrində qeyd edib ki, o, 2008-ci ildə Şimali Atlantika Alyansının təhlükəsizliyindən qorxduğu üçün Ukraynanın NATO-ya qəbul edilməsinin əleyhinə olub.

 

Siyasətçi Kiyev və Tbilisiyə NATO Üzvlük Fəaliyyət Planının verilməsini “son dərəcə ehtiyatsızlıq” adlandırıb.

 

Angela Merkel ölkənin NATO-ya qəbulu üçün meyarların mövcudluğunu xatırladıb, bu meyarlar onun hərbi potensialı ilə yanaşı, daxili strukturun xüsusiyyətlərini də nəzərə alır. Keçmiş kansler qeyd edib ki, Ukrayna alyansa qoşulsa, onun hərbi strukturları Rusiya ilə birbaşa təmasda olacaqdı, çünki Qara Dəniz Donanmasının bölmələri Krımda yerləşirdi.

 

Gürcüstan və Ukraynanın NATO-ya üzv olması perspektivlərini dəyərləndirən Merkel qeyd edib ki, Rusiyanın bu dövlətlərə namizəd ölkə statusu verilməsinə reaksiya verməyəcəyini düşünmək “özünü aldatmaq” olardı.

 

Almaniya hökumətinin keçmiş rəhbərinin “Azadlıq. Xatirələr 1954-2021” kitabının təqdimatı noyabrın 26-da baş tutacaq. Siyasətçi kitabı izin uzun meddət köməkçisi olan Beate Bauman ilə birgə yazıb. Merkel 2005-2021-ci illərdə Almaniyanın Federal Kansleri vəzifəsində çalışıb.