Noyabrın 30-da 20-ci əsrin ən məşhur və nüfuzlu siyasətçilərindən birinin - Uinston Çörçilin anadan olmasının 150 illiyi tamam olur.
Modern.az-ın məlumatına görə, BBC bu münasibətlə Çörçil haqqında yayılan bəzi iddiaları yoxlayıb.
Uinston Çörçill haqqında yayılan ən məşhur miflərdən biri onun hər gün bir şüşə erməni konyakı içməsi ilə bağlıdır. BBC bu iddianın doğru olmadığını bildirib.
"Çörçill həqiqətən də konyakı sevirdi. Beynəlxalq Çörçill Cəmiyyətinin saytında onun "French Hine" markalı konyakı digərlərindən üstün tutduğu bildirilir. Erməni konyakına gəlincə, o, içib, bu barədə çoxlu sübutlar var. Məsələn, 1943-cü ildən aviasiya marşalı olan sovet hərbçisi Aleksandr Qolovanovun xatirələrində 1942-ci ilin avqustunda Stalinlə Çörçilin görüşündən bəhs edilir.
Qolovanovun yazdığına görə, Çörçil süfrə arxasında vaxt itirməyib Xalq Komissarları Sovetinin sədr müavini Kliment Voroşilovla birlikdə konyak için: “Bu arada ingilis baş nazirin əlində bir şüşə erməni konyakını gördüm. Etiketi yoxlayıb Stalinin stəkanını doldurdu. Buna cavab olaraq Stalin də Çörçilin stəkanında eyni konyakdan tökdü. Tostlar bir-birinin ardınca gedirdi. Stalin və Çörçil eyni dərəcədə içirdilər”.
Lakin siyasətçinin SSRİ-dən müntəzəm konyak tədarük etməsi çətin ola bilər, xüsusən də İkinci Dünya Müharibəsi başa çatdıqdan və soyuq müharibə başlayandan sonra", - məqalədə bildirilir.
