Şiddətli döyüşlərdən sonra silahlı suriyalı qruplar Suriyanın qərbində yerləşən Həma şəhərinin yaşayış məntəqələrinə daxil olub.
Modern.az xəbər verir ki, bu barədə Suriya Müdafiə Nazirliyi məlumat yayıb.
Nazirliyin məlumatına görə, ordu “şəhərdən kənarda” mövqelərə yerləşdirilib.
***
14:32
Suriyanın Həma vilayətinin inzibati mərkəzi olan eyniadlı şəhər uğrunda döyüşlər gedir.
Modern.az-ın məlumatına görə, "Reuters" agentliyi qiyamçıların şəhərə girdiyini bildirib.
Agenttlik hökumət əleyhinə qüvvələrin komandiri Həsən Əbdül Qaniyə istinadən qeyd edib ki, silahlılar Həma şəhəri daxilində bir neçə istiqamətdə və şəhər mərkəzinə doğru irəliləyirlər. Bəzi mənbələr şəhərin tamamilə qiyamçıların nəzarəti altında olduğunu iddia edir.
Suriya Müdafiə Nazirliyi isə sözügedən məlumatları təkzib edib.
Nazirliyin məlumatına görə, əyalətdə döyüşlər davam edir. Silahlılar 2011-ci ildən hökumətin nəzarətində qalan Həmaya üçüncü gündür girməyə çalışırlar.
"Heyət Təhrir əş-Şam" qruplaşması başda olmaqla hökumət əleyhinə qüvvələr noyabrın 27-də hücuma başlayıb.
