Avropa ölkələrinin mövcud böhrandan çıxması çox vacibdir.
Modern.az xəbər verir ki, bunu Serbiya Prezidenti Aleksandar Vuçiç deyib.
“İnanıram ki, Almaniya bəzi Avropa ölkələrindən daha sürətlə böhrandan çıxacaq. Bu, Serbiya üçün də əhəmiyyət daşıyır. Çünki Almaniya Serbiyanın şərq bölgəsinə, çip fabriklərinə böyük sərmayə yatırıb. Almaniyanın 2025-ci il olmasa da, 2026-cı ildə böhrandan çıxacağına inanıram. Avropanın daha az danışılan digər hissəsi isə pis istiqamətdə gedir”, - deyə Aleksandar Vuçiç əlavə edib.
Serbiya Prezidenti Almaniyanın vaxtilə “Avropanın xəstə adamı” olduğunu, ancaq “sağalaraq” Avropanın super dövlətinə çevrildiyini bildirib.
