Türkiyə Prezidenti Rəcəb Tayyib Ərdoğan ATƏT-in Baş katibi təyin edilən Feridun Hadi Sinirlioğlunu təbrik edib.
Modern.az xəbər verir ki, bu barədə o, özünün sosial media hesabında yazıb.
“Bu gün keçirilən səsvermədə 57 üzv ölkənin yekdilliklə Avropada Təhlükəsizlik və Əməkdaşlıq Təşkilatının (ATƏT) Baş katibi vəzifəsinə təyin olunan səfir Feridun Hadi Sinirlioğlunu təbrik edir, ona uğurlar arzulayıram.
Ümid edirəm ki, bu təyinat Avro-Atlantik və Avrasiya coğrafiyasında sülh, əmin-amanlıq və sabitliyə töhfə verəcək”.
Qeyd edək ki, Sinirlioğlu Türkiyənin sabiq xarici işlər naziridir.
