Rusiya Suriyadakı müxalifətin bütün tərəfləri ilə təmasdadır.
Modern.az xəbər verir ki, bu barədə Rusiyanın Xarici İşlər Nazirliyindən bildirilib.
“Biz Suriya cəmiyyətindəki bütün etno-konfessional qüvvələrin fikirlərinə hörmət etməyə çağırırıq və yekdilliklə qəbul edilmiş BMT Təhlükəsizlik Şurasının 2254 saylı qətnaməsi əsasında inklüziv siyasi prosesin qurulması səylərini dəstəkləyirik. Həmçinin BMT-nin bu yanaşmaları nəzərə alacağını gözləyirik”, - məlumatda deyilir.
Qeyd olunub ki, rəsmi Moskva Suriyada baş verən dramatik hadisələri narahatlıqla izləyir: “Prezident Bəşər Əsəd Suriya Ərəb Respublikası ərazisində silahlı münaqişənin bir sıra iştirakçıları ilə apardığı danışıqlar nəticəsində prezident postunu tərk etmək qərarına gəlib və hakimiyyətin dinc yolla ötürülməsi barədə göstəriş verərək ölkəni tərk edib. Rusiya bu danışıqlarda iştirak etməyib”.
Həmçinin bildirilib ki, Rusiya Suriyadakı vətəndaşlarının təhlükəsizliyini təmin etmək üçün bütün lazımi tədbirləri görür: “Rusiyanın Suriyadakı hərbi bazaları yüksək hazırlıq vəziyyətinə gətirilib. Hazırda onların təhlükəsizliyinə ciddi təhdid yoxdur”.
