Suriyanın Rusiyadakı səfirliyinin binası üzərindəki bayraq götürülüb.
Modern.az bu barədə TASS-a istinadən xəbər verir.
Bildirilir ki, binanın üzərindəki diplomatik missiyanın adı yazılmış lövhə götürülüb.
Xatırladaq ki, noyabrın sonunda Suriyada hökumət əleyhinə qüvvələrin hücumu başlayıb. Dekabrın 8-nə keçən gecə onlar paytaxt Dəməşqə daxil olublar. Bəşər Əsəd prezident postunu tərk edib və Suriyadan qaçıb. Suriyanın baş naziri Məhəmməd Qazi Əl-Cəlali müxalifətlə əməkdaşlığa və hakimiyyəti sülh yolu ilə ötürməyə hazır olduğunu bəyan edib. Əsəd və ailəsi Rusiyaya sığınıb.
