Türkiyənin məşhur "Kurtlar Vadisi" serialının aktyorları illər sonra bir araya gəlib.
Modern.az bu barədə Türkiyə mətbuatına istinadən xəbər verir.
Selçuk Yöntem, Özgü Namal, Oktay Kaynarca və Mehmet Aslantuğ serialın ilk illərində rejissor və prodüserlik edən Osman Sınavı ziyarət edib. Onun bir müddətdir səhhətində problemlər yaşadığı bildirilir.
Selçuk Yöntem ziyarət zamanı çəkdirdiyi fotonu sosial media hesabında bu qeydlə paylaşıb: "Əziz dostum və rejissor Osman Sınavı ziyarət etdik və çox əyləndik. Keçmiş günləri xatırladıq!".
