Ermənistanın keçmiş xarici işlər naziri Vardan Oskanyan Ermənistandakı daxili siyasi vəziyyət barədə danışıb.
Modern.az-ın məlumatına görə, Oskanyan xatırladıb ki, ölkədə növbəti parlament seçkiləri 2026-cı ildə keçirilməlidir, amma 2025-ci ildə növbədənkənar seçkilərə də gedilə bilər.
Eks-nazir bildirib ki, Ermənistan müxalifəti növbədənkənar seçkilərə həqiqətən hazır deyil. O, müxalifəti növbədənkənar seçkilərə hazırlığa başlamağa çağırıb.
Oskanyan etiraf edib ki, Ermənistanda seçkilər yolu ilə iqtidar dəyişikliyinə nail olmaq həqiqətən çətindir.
“Ermənistanın növbəti hökumətinin kim olacağı artıq müəyyən edilib və biz bunu 2018-ci ildə rəsmiləşdirmişik”, - deyə pessimistcəsinə qeyd edən Vardan Oskanyan “müxalifət iş görməlidir” söyləyib.
