Rusiyanın Mordoviya Respublikasının mədəniyyət naziri Svetlana Baulina qəzaya düşüb.
Modern.az xəbər verir ki, bu barədə Mordoviya qubernatoru Artem Zdunov bildirib.
O qeyd edib ki, hadisə nəticəsində xidməti avtomobilin sürücüsü ölüb, nazir xəstəxanaya yerləşdirilib .
Məlumata görə, qəza M-5 avtomobil yolunda baş verib. Nazir ezamiyyətdə olduğu Ryazandan qayıdırmış.
“İzvestiya Mordoviya” nəşri Dövlət Yol Müfəttişliyinin məlumatlarına istinadən qəzanın yerli vaxtla saat 21:55-də baş verdiyinə aydınlıq gətirib. "Skoda Octavia" markalı avtomobil 49 yaşlı kişinin idarə etdiyi "Renault Premium" yarımqoşqusu ilə toqquşub.
