Rusiya prezidenti Vladimir Putin Çeçenistan Respublikasının başçısı Ramzan Kadırova 2-ci dərəcəli Vətən qarşısında xidmətlərinə görə ordeni təqdim edib.
Modern.az xəbər verir ki, bu barədə "ChGTRK Qroznı" məlumat yayıb.
Çeçenistan rəhbərinin təltif edilməsi haqqında fərmanı Putin 2024-cü ilin fevralında imzalayıb.
Sərəncamda deyilir ki, Kadırov “Rusiya dövlətçiliyinin möhkəmləndirilməsində, ölkənin müdafiə qabiliyyətinin və Çeçenistan Respublikasının sosial-iqtisadi inkişafında böyük xidmətlərinə görə” ordenlə təltif edilib.
Qeyd edək ki, Çeçenistan rəhbəri 2006-cı ildə IV dərəcəli Vətən qarşısında xidmətlərinə görə ordeni alıb. 2021-ci ildə Vladimir Putin cənab Kadırovu üçüncü dərəcəli eyni ordenlə təltif edib.
