Rusiya prezidenti Vladimir Putin Amerikanın yeni seçilmiş lideri Donald Trampla nə vaxt görüşəcəyini bilmir.
Modern.az xəbər verir ki, Putin bunu Moskvada keçirdiyi mətbuat konfransında deyib.
Onun sözlərinə görə, dörd ildən artıqdır ki, Tramla danışmırlar.
“Birincisi, onunla nə vaxt görüşəcəyimizi bilmirəm, çünki o, bu barədə heç nə demir, mən onunla ümumiyyətlə, 4 ildən artıqdır ki, danışmıram”, - deyə Putin mətbuat konfransında amerikalı jurnalistin mümkün görüşlə bağlı sualını cavablandırarkən bildirib.
Suriyanın devrilmiş prezidenti Bəşər Əsədlə bağlı suala cavabında Putin deyib ki, Moskvaya qaçandan sonra onunla görüşməyib:
"Əsəd Moskvaya gəldikdən sonra onu hələ də görməmişəm. Lakin onunla görüşməyi planlaşdırıram".
