Rusiya və Azərbaycanın hüquq-mühafizə orqanları "Azərbaycan Hava Yolları"na (AZAL) məxsus sərnişin təyyarəsinin Aktau yaxınlığında qəzaya uğraması ilə bağlı Qazaxıstanda istintaq araşdırmaları aparmır.
Modern.az xəbər verir ki, bu barədə Qazaxıstanın Manqistau vilayətinin nəqliyyat prokuroru Abılaybek Ordabayev brifinqdə məlumat verib.
"Bu gün Rusiya və Azərbaycanın hüquq-mühafizə orqanları bizim istintaq-əməliyyat qrupumuzun üzvü deyillər və istintaq hərəkətləri həyata keçirmirlər", - Ordabayev bildirib.
Onun sözlərinə görə, Rusiya və Azərbaycanın hüquq-mühafizə orqanlarının nümayəndələri Qazaxıstana gəliblər, lakin respublika qanunvericiliyinə uyğun olaraq cinayət təhqiqatında iştirak edə bilməzlər. Onlara istintaqla bağlı olmayan işlərdə iştirak etməyə icazə verilir.
