Rusiyanın İstintaq Komitəsinin rəhbəri Aleksandr Bastrıkinlə Azərbaycanın baş prokuroru Kamran Əliyev arasında telefon danışığı baş tutub.
Modern.az xəbər verir ki, bu barədə məlumatı Rusiyanın İstintaq Komitəsi yayıb.
Bildirilib ki, tərəflər söhbət zamanı Aktau yaxınlığında “Azərbaycan Hava Yolları”na məxsus sərnişin təyyarəsinin qəzaya uğraması ilə bağlı araşdırmanın gedişatını müzakirə ediblər.
Bastrıkin qeyd edib ki, baş vermiş faciənin bütün səbəblərini və hansı şəraitdə baş verməsini müəyyənləşdirmək məqsədilə kompleks istintaq fəaliyyətləri həyata keçirilir.
Bununla yanaşı, telefon danışığı zamanı tərəflər birgə araşdırma planı çərçivəsində əsas vəzifələri müəyyənləşdirib, bundan sonra da hərtərəfli əməkdaşlığa hazır olduqlarını qeyd ediblər.
