BƏƏ-nin Ras əl-Xəymə sahillərində yüngül mühərrikli təyyarə qəzaya uğrayıb.
Modern.az xəbər verir ki, bu barədə WAM agentliyi məlumat yayıb.
Qəza nəticəsində iki nəfər ölüb.
Məlumata görə, “Əl-Cəzirə” aviasiya və idman klubuna məxsus yüngül mühərrikli təyyarə Fars körfəzi sularında, Rəs əl-Xəymə əmirliyi sahillərində qəzaya uğrayıb.
Hadisə nəticəsində pilot və sərnişinin öldüyü qeyd edilir.
Qeyd edək ki, bu gün Cənubi Koreyada sərnişin təyyarəsi qəzaya uğrayıb. Hava gəmisində 175 sərnişin və 6 ekipaj üzvü olub. Son məlumatlara görə, 179 nəfərin ölümü təsdiqlənib, ekipajın 2 üzvü sağ qalıb.
Sent-Cons şəhərindən Halifaksa daxili reys həyata keçirən Kanadanın “Pal Airlines” sərnişin təyyarəsi isə “Halifax Stanfield” hava limanına sərt eniş edib. Enərkən qanadı uçuş-eniş zolağına dəyən təyyarə alovlanıb.
