Müstəntiqlər ilk dəfə Yun Sok Yol haqqında həbs qərarı istəyiblər və o, mümkün həbslə üzləşən ilk Cənubi Koreya prezidenti olub.
Modern.az xəbər verir ki, bu barədə “Yonhap” afentliyinin məlumatında bildirlib.
Birgə istintaq qrupu prezidentin qısamüddətli hərbi vəziyyətin tətbiqinə görə həbs edilməsi barədə vəsatət qaldırıb. Sorğu bazar ertəsi Seul Qərb Dairə Məhkəməsinə göndərilib.
"Vvəzifə səlahiyyətlərindən sui-istifadə ittihamı ilə həbs qərarı verilməsi tələbi prezident üç dəfə sorğu-sual üçün çağırışa məhəl qoymadıqdan sonra verilib", - məlumatda deyilir.
Qrupa Baş Korrupsiya Təcrübələri Bürosunun, polisin və Müdafiə Nazirliyinin istintaq bölməsinin nümayəndələri daxildir.
Сənubi Koreya məhkəməsi impiçment nəticəsində vəzifəsindən uzaqlaşdırılan prezidenti Yun Sok Yolun həbsinə order verib.
Qeyd edək ki, Cənubi Koreya Prezidenti Yun Sok Yol müxalifəti qiyamın hazırlanmasına yönəlmiş antidövlət fəaliyyətində ittiham edərək dekabrın 3-də gecə saatlarında ölkədə hərbi vəziyyət elan edib. Amma parlamentdə üstünlüyü olan müxalifətin səyi ilə Milli Assambleyada keçirilmiş gizli səsvermədə Prezidentin hərbi vəziyyət qərarı rədd edilib. Parlament ona impiçment elan edib.
