“Kütləvi informasiya vasitələri haqqımızda yazır, bizi guya xaricdə ev, ada almaqda, hesab açmaqda, varlanmaqda ittiham edirlər, amma mən mətbuat konfransı keçirəndə bu barədə soruşan olmur”.
Modern.az xəbər verir ki, bunu Ermənistanın baş naziri Nikol Paşinyan “Family Podcast” verilişində deyib.
Paşinyan jurnalistlərdən narazılıq edib:
“Qəsdən sual verilmir ki, mövzu ictimaiyyətə aydın olmasın və belə çıxsın ki, biz şayiələrə reaksiya verməmişik”.
Qeyd edək ki, “Family Podcast” verilişində Nikol Paşinyandan müsahibəni həyat yoldaşı Anna Akopyan alıb. Veriliş yutub sosial şəbəkəsində yayımlanıb.
Xatırladaq ki, həm Nikol Paşinyan, həm də Anna Akopyan əvvəllər jurnalist işləyiblər. Nikol Paşinyan 1999-cu ildən 2012-ci ilə qədər "Haykakan Jamanak" qəzetinin redaktoru olub. Anna Akopyan isə 2012-ci ildən bəri "Haykakan Jamanak" qəzetinin baş redaktorudur.
