İsveçin paytaxtı Stokolmda yüzlərlə insan Yeni ili qeyd etməkdən imtina edib.
Modern.az xarici KİV-ə istinadən məlumat verir ki, bir sıra QHT-lərin çağırışı ilə soyuq hava şəraitinə baxmayaraq, "Segels Torg" meydanında toplanan nümayişçilər Yeni ili qeyd etəmək əvəzinə İsrail tərəfindən öldürülən uşaqlara, sivillərə yas tutub.
İsveç parlamentinə doğru yürüyən nümayişçilər "Azad Fələstin, azad Qəzza", "Soyqırımını durdurun" və "İsrailə boykot" yazılan pankartlar göstəriblər.
Nümayişçilərin şüarları isə "Azad Fələstin", "İşğala son", "Qatil İsrail" kimi şüarlar olub.
İsveç və ABŞ-nin İsrailə verdiyi dəstəyə etiraz edən nümayişçilər hər iki ölkənin İsrailin işlədiyi müharibə cinayətlərinə şərik olduğunu deyiblər.
