Ukrayna Silahlı Qüvvələrinin baş komandanı Oleksandr Sırski Kursk istiqamətini ziyarət edib.
Modern.az xəbər verir ki, bu barədə o, özünün teleqram kanalında məlumat yayıb.
“Kursk istiqamətində işləyərkən cəsur əsgərlərimizi mükafatlandırdım”, – o yazıb.
General qeyd edib ki, Rusiyanın Kursk vilayətindəki itkiləri 38 mindən çox şəxsi heyət və min ədəddən çox texnika təşkil edib.
“İşğalçıları məhv etməyə davam edəcəyik. Onların pasportlarının Rusiya və ya Şimali Koreya olmasından asılı olmayaraq. Mübarizə davam edir”, – Sırski vurğulayıb.
