ABŞ Federal Təhqiqatlar Bürosu (FTB) Yeni il gecəsi Nyu-Orleanda izdihama çırpılan avtomobilin sürücünün öldüyünü təsdiqləyib.
Modern.az xəbər verir ki, bu barədə "Associated Press" agentliyi məlumat yayıb.
FTB hadisəni terror aktı kimi qiymətləndirib.
Sürücümün polislə atışmada öldüyü qeyd olunub.
ABŞ prezidenti Co Bayden FTB-nin terror aktını araşdıracağını təsdiqləyib. “Federal, əyalət və yerli hüquq-mühafizə orqanları yeni potensial təhlükələri araşdırmaq və aradan qaldırmaq üçün səylə çalışdıqca, mən bütün resursların əlçatan olmasını əmr etmişəm”, - o qeyd edib.
“NBC News” bildirib ki, sürücü 42 yaşlı Şamsud Din Cabbardır.
Yanvarın 1-nə keçən gecə yerli vaxtla təxminən 3:15-də avtomobil izdihama çırpılıb. 10 nəfər ölüb, ən azı 35 nəfər yaralanıb.
