ABŞ-nin yeni seçilmiş prezidenti Donald Tramp Dövlət Departamentinin sözçüsü vəzifəsinə "Fox News"un jurnalisti Tammi Bryusun namizədliyini irəli sürdüyünü açıqlayıb.
Modern.az-ın məlumatına görə, bu barədə o, özünün sosial media hesabında yazıb.
Yanvar ayının 20-i andiçməsi keçiriləcək Trampın yeni təyinatlar barədə açıqlamaları mətbuatda geniş müzakirə edilir. Noyabrın sonunda o, 80 yaşlı təqaüdçü general Keit Kelloqqu ABŞ-nın Ukrayna və Rusiya üzrə xüsusi nümayəndəsi vəzifəsinə irəli sürüb.
Bundan başqa Böyük Britaniyaya ABŞ-nın xüsusi nümayəndəsi olaraq 13 "Emmy" mükafatı qazanan, "The Voice" və xüsusilə Donald Trampın uzun müddət iştirak etdiyi "The Apprentice" kimi televiziya şoularının prodüseri Mark Burnett təklif edilib.
Tramp ABŞ-nın İtaliyadakı səfiri vəzifəsinə isə "Landry's" şirkətlər qrupunun sahibi Tilman Fertittanı namizəd göstərib. Bu şirkətə "The Golden Nugget Hotel and Casinos" kazinoları və otelləri, həmçinin "Morton's The Steakhouse", "Rainforest Cafe", "Bubba Gump Shrimp Co.", "McCormick & Schmick's Seafood & Steaks" və "Saltgrass Steak House" kimi restoran şəbəkələri daxildir.
