Avstriya kansleri Karl Nehammer istefa verəcək.
Modern.az xarici mətbuata istinadən xəbər verir ki, o, koalisiya danışıqlarının nəticəsiz qalması səbəbindən postunu tərk etdiyini açıqlayıb.
Siyasətçi Xalq Partiyasının sədrliyindən də istefa verəcəyini bəyan edib. Onun sözlərinə görə, koalisiya hökumətinin yaradılması ilə bağlı danışıqlar “uzun və dürüst” getsə də, partiya nümayəndələri razılığa gələ bilməyiblər.
Sentyabrın sonunda Avstriya Milli Şurasına (parlamentin aşağı palatası) seçkilər keçirilib. Seçkilərin nəticələrinə görə, sağçı Azadlıq Partiyası (PS) 29 faiz səs toplayıb. Xala Partiyası təxminən 26% səslə ikinci, Avstriya Sosial Demokrat Partiyası (SDPA) təxminən 21% səslə üçüncü yerdə qərarlaşıb.
