Nyu-York şəhərində sürücülər pik saatlarda şəhər mərkəzinə getmək üçün 9 dollar ödəyəcək.

Modern.az xəbər verir ki, bu barədə "Financial Times" yazıb.

Bildirilir ki, bu, ABŞ-də ilk belə nümunədir.

Kiçik yük maşınlarının sürücüləri üçün tarif 14,40 dollar, iri nəqliyyat vasitələrinin sürücüləri üçün isə 21,60 dollar təşkil edir.

Yeni qaydanın şəhərin mərkəzində avtomobillərin sayını 10% azaltmağa və gələcəkdə yığılan 15 milyard dolları ictimai nəqliyyat sisteminin inkişafına yönəltməyə imkan verəcəyi bildirilir. Böyükşəhər Nəqliyyat İdarəsinin (MTA) baş direktoru Janno Liber planın son beş ildə hazırlandığını bildirib.

Qonşu Nyu-Cersi ştatının vəkilləri bu təşəbbüsün qarşısını almaq istəyib və ləğv üçün məhkəməyə müraciət ediblər, lakin cəhdləri uğursuz alınıb.

2024-cü ildə "Inrix" adlı nəqliyyatın monitorinqi platforması Nyu Yorku dünyanın ən sıx şəhəri kimi tanıyıb. Yerli sürücülər orta hesabla ildə 101 saat tıxaclarda qalır və şəhər iqtisadiyyatına 9,1 milyard dollar ziyan vurur.

Respublikaçılar ABŞ-ın yeni seçilmiş prezidenti Donald Trampı təşəbbüsün təsdiqini geri götürməyə çağırıblar.