Hindistan rəhbə.rliyi Rusiya prezidenti Vladimir Putinin 2025-ci ildə Dehlidə keçiriləcək illik Rusiya-Hindistan sammitində iştirak edəcəyini gözləyirlər, lakin səfərin tarixi hələ məlum deyil.
Modern.az xarici KİV-ə istinadən xəbər verir ki, bunu Hindistan Xarici İşlər Nazirliyinin sözçüsü Randhir Caisval bildirib.
"Putinin səfərinə gəlincə, bəli, gözlənilir. Ənənəyə uyğun olaraq, bu il biz illik sammiti Hindistanda keçirməliyik", - Caisval brifinqdə deyib.
Onun sözlərinə görə, sammitin tarixi və müvafiq olaraq Putinin səfəri Hindistan və Rusiya hakimiyyət orqanları tərəfindən “diplomatik kanallar vasitəsilə” müzakirə olunur.
