ABŞ-ın yeni prezidenti Donald Trampın administrasiyası vəzifəsinin icrasına başladıqdan bir gün sonra Çikaqoda genişmiqyaslı miqrasiya reydinə başlamağı planlaşdırır.
Modern.az xəbər verir ki, bu barədə “The Wall Street Journal” öz mənbələrinə istinadən yazır.
Bildirilir ki, çərşənbə axşamı başlaması gözlənilən reyd bütün həftə davam edəcək.
Nəşrin məlumatına görə, ABŞ İmmiqrasiya və Gömrük Mühafizəsi əməliyyatı həyata keçirmək üçün 100-200 işçi göndərəcək.
“Çikaqonun meri kömək etmək istəmirsə, kənara çəkilə bilər. Amma bizə müdaxilə etsə, qeyri-qanuni mühacirlərə bilərəkdən sığınacaq versə və ya gizlətsə, mən onu məhkəmədə mühakimə edəcəm”, – deyə ABŞ Sərhəd Patrulunun yeni direktoru Tom Homan Çikaqoda keçirilən tədbirdə bildirib.
Noyabrın 5-də keçiriləcək prezident seçkiləri öncəsi Trampın kampaniyasının mərkəzində immiqrasiya məsələsi olub.
Tramp 2024-cü ilin yanvarında demişdi: “Mənim andiçmə mərasimimdən bir neçə dəqiqə sonra biz Amerika tarixində ən böyük daxili deportasiya əməliyyatına başlayacağıq”.
