İran prezidentinin strateji məsələlər üzrə köməkçisi Məhəmməd Cavad Zərif 55-ci Dünya İqtisadi Forumunda (Davos 2025) iştirak etmək üçün İsveçrəyə səfər edib.
Modern.az xəbər verir ki, bu barədə İran KİV-i məlumat yayıb.
Bu səfər zamanı Zərif forumun proqramlarında iştirak edəcək, həmçinin müxtəlif regional və qlobal problemlərə dair planlaşdırılmış panel sessiyalarına qatılacaq.
Yanvarın 20-dən etibarən İsveçrənin Davos şəhərində 55-ci Dünya İqtisadi Forumunun illik toplantısı “Ağıllı əsr üçün əməkdaşlıq” mövzusu altında beş gün ərzində keçirilir.
Tədbir qlobal çağırışları həll etmək və yaranan imkanları araşdırmaq üçün 350 hökumət nümayəndəsi və 60 dövlət və hökumət başçısı daxil olmaqla 130-dan çox ölkədən 3000-ə yaxın lideri bir araya gətirəcək.
