ABŞ prezidenti Donald Trampın oğlu kiçik Tramp Venesiya yaxınlığındakı qorunan ərazidə qanunsuz ördək ovlamaqda şübhəli bilinir.
Modern.az xəbər verir ki, bu barədə İtaliyanın “Corriere della Sera” qəzeti yazıb.
Məlumata görə, bunu Veneto vilayətinin regional şurasının üzvü Andrea Zanoni deyib.
Kiçik Tramp dekabr ayında İtaliyaya səfər edib və Adriatik sahilləri ilə ova gedib. Bir neçə gün əvvəl Amerikanın ovçuluq saytı onun quşları, o cümlədən Aİ direktivi və İtaliya qanunları ilə qorunan narıncı-qəhvəyi tüklü nadir qırmızı ördəkləri vurması barədə məlumat yayıb.
“Əslində, ölkəmizdə yalnız İtaliyanın bölgələrindən birinin sakinləri ovlaya bilər. Sizə polis idarəsi tərəfindən verilmiş ov lisenziyası lazımdır, lakin hər şeydən əvvəl yalnız və yalnız İtaliyanın bölgələrindən birinin sakinlərinə verilmiş sertifikat lazımdır", - Andrea Zanoni deyib.
Avropa Yaşıllar Partiyası kiçik Donald Trampın işini İtaliyanın ətraf mühit naziri Gilberto Piçetto-Fratina ilə müzakirə etmək niyyətindədir. “Biz ətraf mühit nazirindən mühafizə olunan növlərin öldürülməsinin cinayət olduğunu nəzərə alaraq nə baş verdiyini izah etməsini xahiş edirik”, - deputat Luana Zanella bildirib.
