Rusiya Prezidenti Vladimir Putinlə amerikalı həmkarı Donald Tramp arasında görüş üçün iki ölkə nəzərdən keçirilir.
Modern.az xəbər verir ki, bu barədə “Reuters” agentliyi Rusiyadan olan iki məlumatlı mənbəyə istinadən məlumat yayıb.
Bildirilir ki, Rusiya görüş üçün Səudiyyə Ərəbistanı və BƏƏ-ni nəzərdən keçirir.
Agentliyin məlumatına görə, son həftələrdə Rusiyanın yüksək rütbəli rəsmiləri Səudiyyə Ərəbistanı və BƏƏ-yə səfərlər edib. Mənbələrdən biri bildirib ki, Moskva hələ də bu məkanlarda görüşün keçirilməsi ideyasını dəstəkləmir, çünki hər iki ölkənin təhlükəsizlik sahəsində ABŞ ilə sıx əlaqələri var.
