Türkiyə Prezidenti Rəcəb Tayyib Ərdoğanla Suriya prezidenti Əhməd Əş-Şaara arasında görüş başa çatıb.

 

Modern.az xəbər verir ki, görüşdən sonra birgə mətbuat konfransı keçirilib.

 

Ərdoğan bildirib ki, indiki məqamda ərəb və islam dünyası yeni iqtidara və Suriya xalqına lazımi maddi və mənəvi dəstəyi göstərməlidir: “Bu, çox vacibdir. Suriyalı qardaşlarımızın ölkələrini bərpa edə biləcəklərinə şübhəm yoxdur”.

 

Ərdoğan qeyd edib ki, Türkiyə terror təşkilatları ilə mübarizədə Suriyaya dəstək verməyə hazırdır.

 

Ə. Şaara isə 1967-ci il sərhədlərinin bərpa olunmasının vacibliyini vurğulayıb. O söyləyib ki, Suriya Türkiyə ilə əlaqələri inkişaf etdirmək niyyətindədir.

 

***

19:06

Suriyanın yeni hökumətinin lideri Əhməd əl-Şaara Türkiyədə səfərdədir.

 

Modern.az xəbər verir ki, bu haqda “TRT Haber” məlumat yayıb.

 

Bildirilir ki, Türkiyə lideri Rəcəb Tayyib Ərdoğan Ankarada, Prezident Kompleksində qonağı qəbul edir.

 

İkitərəfli görüş və heyətlər arasında rəsmi ziyafətdən sonra Ərdoğan və Şaara birgə mətbuat konfransı keçirəcək.

 

Qeyd edək ki, bu, 18 ildən sonra Türkiyəyə Suriya liderləri tərəfindən ilk səfərdir.