Ukrayna hakimiyyəti artıq ABŞ Prezidenti Donald Trampın komandası ilə təmasdadır. Xüsusilə, Ukrayna və Rusiya üzrə xüsusi nümayəndə Keyt Kelloqla danışıqlar aparılıb.
Modern.az xəbər verir ki, bu barədə Ukrayna Prezidenti Volodimir Zelenski MAQATE-nin direktoru Rafael Qrossi ilə keçirdiyi birgə mətbuat konfransında deyib.
“Bizim komandalarımız arasında əlaqələrimiz var”, - deyə Zelenski qeyd edib.
Zelenskinin sözlərinə görə, Prezident Ofisi Aparatının rəhbəri Andrey Yermak Trampın milli təhlükəsizlik üzrə müşaviri Mayk Vals ilə söhbət edib.
Hazırda ABŞ nümayəndələrinin Ukraynaya səfərinin təfərrüatları razılaşdırılır.
“Amerika komandasının nə vaxt Kiyevə gələcəyi ilə bağlı iş tarixlərimiz var. Tarixlər və heyət hazırda razılaşdırılır. Komandanı gözləyirik və birlikdə işləyəcəyik", - deyə Zelenski bildirib.
