Türkiyənin sabiq baş naziri və xarici işlər naziri, hazırda müxalifətdə olan Gələcək Partiyasının sədri Ahmet Davutoğlu parlamentdəki çıxışı diqqətçəkib. Belə ki, o, Qəzza ilə bağlı xüsusi təkliflə çıxış edib.
"İndi bir türk olaraq, Osmanlı İmperiyasına tabe olan bir türk kimi Trampa deyirəm ki, Qəzza xalqının son qanuni dövləti Osmanlı İmperiyasıdır. Bundan sonra Britaniya mandatı quruldu və vətəndaşlıq vermədi. Osmanlı İmperatorluğunun qanuni davamçısı olan Türkiyə Cümhuriyyəti olaraq Qəzzə xalqı bizim təbii tarixdaşımız və vətəndaşımız kimi referendum keçirməlidir. Və Fələstin Dövləti qurulana qədər Türkiyə Respublikasına muxtariyyat kimi birləşməlidir!",-o deyib
Bəs Əhməd Davudoğlunun bu təklifi Türkiyənin hakim partiyası tərəfindən nəzərdən keçirilə bilər?
Modern.az-a açıqlamasında Türkiyə Böyük Millət Məclisinin deputatı, hakim Ədalət və İnkişaf Partiyasının (AK Partiya) funksioneri, Türkiyə-Azərbaycan Dostluq Qrupunun sədri Şamil Ayrım bildirib ki, Türkiyə hökumətinin belə bir məqsəd və məramı yoxdur:
"Belə bir şey olmaz. Qəzza fələstinlilərindir. Biz Fələstinin müstəqilliyini dəstəkləyirik. Cənab Prezidentimiz Rəcəb Tayyib Ərdoğan da, dəfələrlə deyir ki, biz 1967-ci ildə qəbul olunan sərhədlərə uyğun paytaxtı Şərqi Qüds olan Fələstin dövləti Türkiyənin dəstəklədiyi həll yoludur. Kimsə çıxıb belə bir fikir bildirir. Amma bu, baş tutmaz. Türkiyənin torpaqları özünə kifayət edir. Başqasının torpaqlarında gözümüz yoxdur. Belə addımlar sülhə xidmət etməz".
Ş.Ayrım Qüdsdən fələstinlilərin köçürülməsi ilə bağlı çıxışına da münasibət bildirib:
"Cənab Prezident Rəcəb Tayyib Ərdoğan da çıxışında bildirdi ki, Qəzza fələstinlilərə aiddir. Oradan insanları kökündən qazımaq asan deyil. Ancaq soyqırımı həyata keçirilsə, bu, mümkün olar. Donald Tramp bu çıxışı təzə edib. Oranı cazibə mərkəzinə çevirəcəyini söylədi. Belə edəcəklərsə belə, fələstinlilər qalsın digər tərəfləri cazibə mərkəzinə çevirsinlər. Amma o insanları oradan sürmək olmaz. Misir və bir neçə ölkənin də bu istiqamətdə çıxışları olub. Tramp bu məsələni ortaya atdı. İndi nəbz yoxlayırlar. Qəti surətdə biz Fələstinin yanındayıq. Bu qətliamlar başladıqdan bəri Fləstinin yanındayıq. Hazırda biz region, xüsusilə də islam dövlətlərinin dəstəyi ilə bunun baş tutmayacağını göstərəcəyik. Allah bizi sülhdən ayırmasın".
