BMT Baş katibi Rusiya və ABŞ rəsmiləri arasında fevralın 18-də Səudiyyə Ərəbistanının paytaxtında keçirilməsi planlaşdırılan görüşün nəticələrini izləyəcək.
Modern.az xəbər verir ki, bu barədə BMT baş katibinin nümayəndəsi Stefan Düjarrik bildirib.
O qeyd ediblər ki, BMT Təhlükəsizlik Şurasına üzv dövlətlər arasında istənilən dialoq çox vacibdir.
“Bilirsiniz, əlbəttə ki, biz bu görüşü izləyirik. Üzv dövlətlər arasında istənilən dialoq, hər hansı bir dialoq, xüsusən də Təhlükəsizlik Şurasının iki daimi üzvü arasında oynadıqları rol çox vacibdir. "Bu görüşdən nə çıxacağını görəcəyik", - Düjarrik bildirib.
Qeyd edək ki, Rusiyanı danışıqlarda Yuri Uşakov və Rusiyanın xarici işlər naziri Sergey Lavrov təmsil edəcək.
Amerika tərəfinin danışıqlar qrupuna ABŞ dövlət katibi Marko Rubio, Mərkəzi Kəşfiyyat İdarəsinin direktoru Con Ratkliff, milli təhlükəsizlik üzrə müşaviri Mayk Uolz və xüsusi elçi Stiv Vitkoff daxil olacaq .
