İstanbul Böyükşəhər Bələdiyyəsinin sədri Əkrəm İmamoğlunun universitet diplomunun saxta olduğu barədə iddialar yayılıb.
Modern.az xəbər verir ki, iddialar Türkiyə mətbuatında paylaşılıb.
İddiaların yayılmasından sonra İstanbul Baş Prokurorluğunda istintaq başladılıb. O, rəsmi sənədləri saxtalaşdırmaqda ittiham edilir.
İmamoğlunun diplomunun etibarlılığını yoxlamaq üçün Ali Təhsil Şurasına məktub yazıldığı bildirilib.
İstintaq çərçivəsində İmamoğlu ifadə vermək üçün fevralın 26-da prokurorluğa çağırılıb.
Qeyd edək ki, İmamoğlu CHP-nin prezidentliyə namizədini müəyyən etmək üçün martın 23-də keçiriləcək ilkin seçkilərdə iştirak edəcək.
Xatırladaq ki, İmamoğlu bundan əvvəl İstanbul Baş prokuroru Akın Gürleklə bağlı söylədiyi fikirlərə görə məhkəməyə verilib. 7 il 4 aya qədər həbs cəzası və siyasi fəaliyyətinə qadağa qoyulması tələb olunur. İş üzrə ilk məhkəmə iclası aprelin 11-də keçiriləcək.
