Rusiya-Ukrayna müharibəsinin başlamasının dördüncü ili ərəfəsində bir sıra liderlər Kiyevə səfər ediblər.
Modern.az xəbər verir ki, Kiyevdə keçirilən zirvə toplantısına Avropa Komissiyasının Prezidenti Ursula fon der Leyen, Avropa Şurasının Prezidenti Antonio Kosta, eləcə də Kanada, Danimarka, İslandiya, Latviya, Litva, Finlandiya, Norveç, İspaniya və İsveçin liderləri qatılıb.
Albaniya, Böyük Britaniya, Xorvatiya, Çexiya, Almaniya, Yaponiya, Moldova, Niderland, Polşa, İsveçrə və Türkiyənin liderləri isə görüşə videobağlantı vasitəsilə qoşulub.
Zirvə iştirakçıları müharibədə həlak olan ukraynalı əsgərlərin xatirəsinə ehtiramlarını bildirib və Kiyevin mərkəzi meydanında ucaldılmış bayraqlardan ibarət memorial önündə sükutla dayanıblar. Sonradan keçirilən görüşlər zamanı hava hücumu siqnalları səslənsə də, raket hücumu qeydə alınmayıb.
Danışıqlardan sonra liderlərin birgə görüntüsü ötən gün mətbuatda ən çox müzakirə olunan məsələlərdən biri olub. Fotoda Zelenski hansısa mövzu barədə danışır, liderlər isə ona diqqətlə qulaq asırlar.
Həmin görüntüləri təqdim edirik:
