ABŞ senatoru Lindsey Graham Ağ Evin qarşısında Ukrayna prezidenti Volodimir Zelenskinin Donald Trampla gərginliyinə münasibət bildirib.
Modern.az xəbər verir ki, o, Zelenskinin ABŞ ictimaiyyətinə etibarlı tərəfdaş kimi təqdim olunmasının çətin olduğunu deyib.
“Bu, tam bir fəlakətdir,” – deyə Graham vurğulayıb.
Senator Zelenski ilə ötən gecə danışdığını və ona “təxribatlara uymamağı” məsləhət gördüyünü deyib.
“Zelenski çox zəif çıxış etdi. Məncə, o, artıq amerikalıları Ukraynanın yaxşı bir investisiya və etibarlı tərəfdaş olduğuna inandırmağı mümkünsüz edib. O, ya istefa verməli və yerinə bizim işləyə biləcəyimiz birini göndərməlidir, ya da tamamilə dəyişməlidir,” – senator əlavə edib.
