Böyük Britaniyanın Baş naziri Kir Starmer bu gün parlamentdə çıxışı zamanı bildirib ki, ABŞ Prezidenti Donald Trampın Ukraynada sülhə nail olmaq öhdəliyi səmimidir.

 

Modern.az “BBC”yə istinadla xəbər verir ki, ötən həftə Ağ evdə Donald Tramp ilə görüşü haqqında danışan K.Starmer prezidentin sülhə davamlı dəstəyini yüksək qiymətləndirib: “Avropa təhlükəsizliyi ilə bağlı apardığımız müsbət müzakirələri alqışlayıram. O cümlədən Trampın NATO-nun 5-ci maddəsinə açıq dəstəyini qeyd etmək istəyirəm. Bizim dialoq nəticəsində əldə olunan qarşılıqlı anlaşmanı alqışlayıram, çünki bu, iki ölkənin Ukraynada davamlı sülhün təmin edilməsi üçün təhlükəsizlik məsələlərində birgə əməkdaşlığını nəzərdə tutur. Eyni zamanda, prezidentin bu sülhə davamlı dəstəyini yüksək qiymətləndirirəm. Bu, heç kəsin şübhə etməməli olduğu bir həqiqətdir”.

 

Baş nazir əlavə edib ki, bazar günü Avropa və digər müttəfiq ölkələrin bu prosesdə daha aktiv rol oynamaq üçün hazırlıqlarını sürətləndirmək barədə razılığa gəlinib: “Əgər lazım gələrsə, bu, həm də qoşunların yerüstü əməliyyatları və hava dəstəyi ilə müşayiət oluna bilər”, - deyə o bildirib.

 

O, Avropanın bu məsələdə əsas yükü daşımalı olduğunu vurğulasa da, uğur üçün güclü ABŞ dəstəyinin vacib olduğunu qeyd edib.