2024-cü il ərzində Ermənistan Respublikası Silahlı Qüvvələrində 40 hərbçi ölüb.
Modern.az xəbər verir ki, bu barədə Ermənistan Respublikasının Baş prokuroru Anna Vardapetyanın və Ermənistan Respublikasının müdafiə naziri Suren Papikyanın rəhbərliyi ilə Hərbi Prokurorluğun 2024-cü il üçün gördüyü işlərin yekununa dair çıxışda açıqlanıb.
Ermənistanın Hərbi prokuroru, Baş prokurorun müavini Qriqor Elizbaryan bildirib ki, ötən il Silahlı Qüvvələr sistemində 2093 hadisə qeydə alınıb.
Baş prokuror Anna Vardapetyan Ermənistan Respublikasının müdafiə naziri Suren Papikyana görülən işlərin birgə təhlilinin, eləcə də yeni təşəbbüslər və mövcud çağırışların müzakirəsinin vacibliyini vurğulayıb: "Biz orduda nizam-intizam məsələsinə böyük diqqət yetiririk. Məqsədimiz birdir: Ordudakı müxtəlif subkultural təzahürləri azaltmaq".
