Səudiyyə Ərəbistanının Ciddə şəhərində ABŞ və Ukrayna nümayəndə heyətləri arasında danışıqlar başa çatıb. 

***

Ukrayna və Amerika nümayəndə heyətləri arasında Ciddədə danışıqlar davam edir.

Modern.az xəbər verir ki, artıq görüşün müddəti 8 saatı aşıb.

ABŞ Dövlət Departamentindəki mənbə AFP-yə görüşün hələ də davam etdiyini təsdiqləyib. 

Amerika nümayəndə heyəti danışıqlar yekunlaşdıqdan sonra bəyanatla çıxış etməyi planlaşdırır.

Qeyd edək ki, bu, Ağ Evdə Donald Tramp və Volodimir Zelenski arasında mübahisədən sonra Kiyev və Vaşinqton arasında ilk rəsmi görüş olacaq. 

Zelenski vəliəhd şahzadə Məhəmməd bin Salmanla görüşmək üçün bazar ertəsi Səudiyyə Ərəbistanına gedib, lakin o, görüşlərdə iştirak etmir.

Ciddədəki "Ritz Carlton" hotelində keçirilən danışıqlarda Amerikanı dövlət katibi Marko Rubio və milli təhlükəsizlik müşaviri Mayk Vals təmsil edir.

İştirakı daha əvvəl qeyd olunan Yaxın Şərq elçisi Steve Witkoff, ən azı fotoqraflar orada olanda otaqda yox idi.

Ukrayna nümayəndə heyətinə xarici işlər naziri Andriy Sibiqa, Prezident Aparatının rəhbəri Andrey Yermak və müdafiə naziri Rustem Umerov daxildir.

Danışıqlara iki Səudiyyə rəsmisi sədrlik edir: Xarici İşlər Naziri Feysəl bin Fərhan və Milli Təhlükəsizlik müşaviri Mosaad bin Məhəmməd əl-Ayban.