ABŞ administrasiyasının rəsmiləri Ukraynada 30 günlük atəşkəs təklifini müzakirə etmək üçün Rusiyaya gedir.
Modern.az xəbər verir ki, bu barədə ABŞ prezidenti Donald Tramp bildirib.
O, hərbi əməliyyatların dayandırılması ilə bağlı "müsbət siqnallar" aldığını, lakin hər şeyin Rusiyadan asılı olduğunu deyib.
"Hazırda Rusiyaya gedən insanlar var və biz atəşkəs əldə edə biləcəyimizə ümid edirik", - Tramp Ağ Evdə jurnalistlərə bildirib.
Onun sözlərinə görə, ABŞ sülh yolu ilə nizamlanmanı müzakirə edərkən təzyiq göstərə bilər. Eyni zamanda, o, "buna ehtiyac olmayacağına" ümid etdiyini bildirib.
Qeyd edək ki, Amerika və Ukrayna nümayəndə heyətləri arasında bir gün əvvəl Səudiyyə Ərəbistanında keçirilən danışıqlardan sonra Ukrayna 30 günlük atəşkəs rejiminin tətbiqinə razılıq verib . Vaşinqton bu təklifi “müxtəlif kanallar” vasitəsilə Moskvaya çatdıracağına söz verib. ABŞ prezidenti Donald Tramp Amerika nümayəndə heyətinin tezliklə rusiyalı həmkarları ilə görüşəcəyini bildirib.
