Şimali Makedoniyanın Koçani şəhərində "Puls" gecə klubunda baş verən yanğın nəticəsində ölənlərin sayı 59-a çatıb.

Modern.az xəbər verir ki, ölkənin daxili işlər naziri Pançe Toşkovski məlumat verib.

Hadisə nəticəsində 155 nəfər yaralanıb.

Nazir deyib ki, faciə ilə əlaqəli bütün məsul şəxslər sorğulanacaq və bütün gecə klubları fövqəladə yoxlanışdan keçiriləcək.

Nazir yanğınla əlaqədar dörd nəfərə qarşı həbs qərarının verildiyini bildirib, lakin onların kimliyini açıqlamayıb. Bildirilir ki, "Puls" klubunun sahibi artıq həbs edilib.

Yanğının ilkin səbəbi kimi pirotexnikadan istifadə göstərilib.

Şimali Makedoniya hökuməti yanğınla əlaqədar yeddi günlük matəm elan edib.

***

11:58

Şimali Makedoniyanın Koçani şəhərində konsert zamanı baş vermiş yanğın nəticəsində azı 50 nəfər ölüb.

 

Modern.az xəbər verir ki, bu barədə yerli “Veçer” nəşri məlumat yayıb.

 

Ehtimal olunur ki, yanğın pirotexnika səbəbindən başlayıb. Təsdiqlənməmiş məlumata görə, konsert keçirilən gecə klubunun sahibi saxlanılıb.

 

Bundan başqa, Şimali Makedoniya Daxili İşlər Nazirliyi konsert təşkilatçılarını dindirməyə çağırıb.

 

Hadisə ilə bağlı digər təfərrüatlar verilmir.